الهونداي تثبت تفوقها على الكل !!!

السلام عليكم

اخواني من عام 2004 وهونداي في تطور مستمر وملحوظ

في السابق نادر مانشوف سوناتا او النترا بالشارع !!!

اما الان ماتمشي بالشارع الا جمبك 5 سوناتا او 4

يعني هذا يدل انه الهونداي قاعدته تطور وتصعد صعده مو طبيعيه على باقي الشركات

واخص بذالك تيويتا قبل 5 اعوام الشعب السعودي كان يعشق التيوتا ويكره الهونداي

لانها كوريه ومشاكلها كثيره صحيح ؟


اما الان اسئل كل من استخدم هونداي واستخدم تيوتا من موديل 2004 وشوف وش يقولك ؟

هونداي افضل من التيويتا 100 مره

تقولون ليه ؟


اقولكم اول شي التيوتا صناعته ماهي يابنيه 100% بل القطع يابانيه والتجميع (استرالي) وهاذا شي معروف للكل طبعا بالنسبه للكامري

اما البريفيا صناعتها (اندنوسيه ) واقرو الاستكر الموجود على الباب حق السياره وشوفو وين الصناعه

واضرب مثلا في الشفر ليت من موديل 2005 وصناعتها استراليه ومشاكلها كثيره

وايضا (بعض ) سيارات الفورد مثلا فورد وندستار فصناعتها كنديه واكثر سياره منقعه بالورش هي هع

المهم : نجي للكوري

من واقع تجربه شخصيه لاحد اخواني كان يملك هونداي سوناتا موديل 2006 كارفها كرف مو صاحي

الوجهيه حقتها معدومه يعني الانورا مصفره والبويه خشنه من كثر ضرب الخطوط طبعا البويه حقت الوجهيه

السياره مشاها اخوي 155 الف كيلو >>> وااجد هع

والله لين باعها ماشتكى منها ولا شي الا مشكله بسيطه كرسي مكينه كان مكسور وغيره فقط لا غير

واذكر قدر صعدناها طعوس لوول كان ودي احط لكم المقطع لاكن راح مني خخخ

سياره عمليه وحقت كرف ولا تصرف بانزين

طبعا هو اشتغل في شركه وعطوه كامري فباع السوناتا واخذ الكامري

طبعا هو يسب ويلعن بالكامري ليه ؟

الكامري ماشيها 22 الف بس والقير جايته الحاله

وفيها اصوات الله لايوريك ولا هي راكده بالخط !!!

يعني الواحد لما ياخذ ياباني مكان كوري بيقول الياباني احسن

لاكن العكس صحيح الكوري اثبت جدارته الان وبقوه

وهاو يغطي على الياباني

واخذوها من اخوكم 3 سنوات بالكثير والهونداي زعيم السوق

ليس استهزاء بالشركات الاخرى

لاكن سياره رخيصه وحقت كرف وقطعها مناسبه ليه ماتسير الاولى عندنا ؟


تقبلو تحياتي اخوكم سواها البخت